മധുരം

നീ

വാട്ട്സാപ്പിൽ

അയച്ചു തന്ന കവിത

ഞാൻ

വായിച്ചു കൊണ്ടിരിക്കെ

ഫോണിൽ

ഒരുറുമ്പ് വന്നു

നോക്കണേ

മധുരമെന്ന

നിന്റെ കവിതയിൽ നിന്നും

അതനങ്ങുന്നേയില്ല

     ( സജീവ് അയ്മനം)

ഉറങ്ങാതെ

മരം വെട്ടാൻ

വരാമെന്നു പറഞ്ഞവർ

ആരും വന്നില്ല

അതിനാൽ വീടിനു മീതെ

ഒടിഞ്ഞു വീഴാൻ നിന്ന മരം

അങ്ങനെ തന്നെ നിൽക്കുന്നു

രാത്രി,

കാറ്റും മഴയും വരുമ്പോൾ

മക്കളെ കെട്ടിപ്പിടിച്ച്

അവൾ ഉറങ്ങാതിരിക്കും

ഇന്ന്

നേരം വെളുക്കുമ്പോഴാണ് കണ്ടത്

ആ മരത്തിന്റെ ചില്ലയിൽ

ഒരു കിളിക്കൂട് ഇരിക്കുന്നത്

==========================

വാഴാലിക്കാവിലൂടെ...

മൾബെറി

പണ്ട്
വീട്ടുമുറ്റത്തെ
പേരമരത്തിനടുത്ത്
നീയും ഉണ്ടായിരുന്നു
തീരെ ചെറുതെങ്കിലും
ചോരനിറമുള്ള
നിന്റെ പഴങ്ങൾ
കുട്ടികൾക്ക് ഏറെ ഇഷ്ടമായിരുന്നു

വഴിക്ക് വീതികൂട്ടിപ്പോയ ദിവസം
മുറ്റത്ത് നിന്നും
നിന്നെ വെട്ടി മാറ്റി
ഇന്ന്
തോട്ടങ്ങളിൽ നീ വളരുന്നു
ഓരോ പട്ടുടുപ്പിനും
നൂലുകളാകുന്നത്
നിന്റെ സ്വപ്നങ്ങളാണ്.
നിന്റെ ഇലകളാണല്ലോ
പുഴുക്കൾക്ക് പ്രയങ്കരം

രണ്ടു കവിതകൾ
ആൽ ബം
വേനലിനെക്കുറിച്ച്
പറയാനിരുന്നതെല്ലാം
മഴ കൊണ്ടുപോയി
ഞാനിപ്പോൾ
മഴയുടെ ആൽ ബം കാണുന്നു.
ഒരു വെള്ളാരംകല്ലിന്റെ ഓർമ്മ
കോടതിവളപ്പിലെ
മാഞ്ചുവട്ടിൽനിന്നും
ഞാൻ വീണ്ടെടുക്കപ്പെട്ടു.
ഇപ്പോൾ
കറങ്ങുന്ന പങ്കകൾക്ക് താഴെ,
കാറ്റുകൊണ്ടു പോകാതിരിക്കാൻ
അന്തിമ ഉത്തരവുകൾക്ക് മീതെ
ഒരു പേപ്പർവെയിറ്റിനു പകരം‘
പുഴയുടെ സ്നേഹം ഓർമ്മിച്ചു
കൊണ്ട്